Платформа Talaka шукае камунiкатара-евангеліста

21 Сентября 2016 0
Поделиться

Платформа для пошуку аднадумцаў Talaka шукае незвычайнага чалавека - камунікатара-евангеліста. Прафесіянала, які не баіцца няпростых задачаў і будзе:


  • Рыхтаваць і рэалізоўваць стратэгію па працы з аўдыторыяй. Каб аб Talaka даведаліся ўсе, а не толькі твае сябры ў фэйсбуку.
  • Весці старонкі ў сац.сетках і email-рассылку. Каб было круцей, чым у Мегаплана і Главреда.
  • Рэалізоўваць спец.праекты і мерапрыемствы. Каб Talaka расла у два разы кожныя паўгады.
  • Прыцягваць новыя праекты на платформу. Каб самыя лепшыя праекты былі ў нас (вядома, ружовы трэш пакінем іншым).
  • Кансультаваць гэтыя праекты, каб большасць з іх дасягала выбітных вынікаў.
  • І рыхтаваць Талаку да экспансіі ў рэгіёны і ў іншыя краіны.

Прыемныя умовы:

  • Заробак 1200 - 2100 новых рублёў па выніках сумоўя
  • Поўны працоўны дзень. Поўнае паглыбленне
  • Гнуткі графік працы. Гэта не значыць кароткі дзень
  • Выпрабавальны тэрмін 3 месяцы. Калі шчыра, мы вельмі патрабавальныя
  • Праца ў шчыльным узаемадзеянні з заснавальнікам платформы. Няма нічога прыемней зладжанай працы каманды
  • Першы праект, над якім трэба будзе працаваць - Talaka.Паці. Будзе няпроста
  • Трэба расці хутчэй, чым расце сама Talaka. Бо можна застацца ў мінулым
  • Будзеш малайцом, будзе свой iMac
  • Радаваць Яўгена дасягненнямі і вынікамі. Відаць, гэта самы важны пункт

Нельга проста так узяць і патрапіць на сумоўе:

  • Дашлі сваё рэзюмэ ў вольнай форме на praca@talaka.by
  • Далучы да імэйла апісанне рэалізаваных табою праектаў па схеме: якая задача стаяла; што было зроблена; вынікі ў лічбах; што не атрымалася; што непасрэдна было зроблена табою ў гэтым праекце, калі былі і іншыя выканаўцы праекта)
  • Калі ты не ўспрымеш усур’ёз пункт вышэй, то будзь упэўнены, твой ліст будзе ў карзіне, а душа, па ўсёй верагоднасці, у пекле

Некаторыя ўдакладненні, якія дадуць зразумець, што ўсё сур’ёзна:

  • Так, мы шмат хочам. Калі ты жадаеш развівацца як вузкапрофільны спецыяліст, ідзі ў карпарацыю, там такіх любяць. Мы шукаем чалавека, які разумее як працуе камунікацыя і гатовы комплексна ёю кіраваць.
  • Мы шукаем чалавека, які гатовы паставіцца да нашай супольнай справы як партнёр, а не як наняты выканаўца. Гэта не проста пафасныя словы, памятай пра выпрабаваўчы тэрмін.
  • Мы хочам знайсці чалавека, які больш вопытны і здольны, чым мы самі (таму, нажаль, выпускнікоў і навічкоў мы разглядаць не гатовыя). Але павер, ацэньваць добра зробленую працу мы ўмеем.
  • Мы шукаем чалавека з гнуткім розумам і гатовым спрабаваць новае. Talaka - гэта незвычайная для Беларусі арганізацыя. Усё раскажам і пакажам.
  • У нас шмат працы для цябе. Мы любім тое, што робім, і ўкладваем шмат намаганняў у нашую справу. І чакаем не меньшай самаадансці і ад цябе. Яшчэ раз падкрэслім, каб не было сюрпрызам, - вельмі шмат працы.

Патрабаванні (“А іх нехта чытае?” - “Давай у канец паставім”):

  • Разуменне прынцыпаў PR, маркетынгу, SMM, працы са CМІ
  • Сістэмнае і аналітычнае мысленне
  • Здольнасць працаваць на вынік (і вымяраць яго)
  • Стрэсаўстойлівасць пры вялікай колькасці задач
  • Вопыт працы ў сферы камунікацыі 3-5 гадоў
  • Вопыт працы ў камерцыйных праектах (івэнцінг і прасоўванне)
  • Актыўнае карыстанне сац. сеткамі
  • Здольнасць выступаць публічна
  • Здольнасць пісаць эфектыўныя тэксты 
  • Прыемнасць і лёгкасць у зносінах
  • Шчырая любоў да зносінаў з людзьмі
  • Жаданне жыць, працаваць у Беларусі і развіваць яе 
  • Вольнае валоданне беларускай і расейскай мовамі

Будзе плюсам:

  • Шырокае кола знаёмстваў у PR, рэкламнай, бізнэс і НДА сферах
  • Вопыт працы ў некамерцыйных праектах і валанторства
  • Вопыт продажу сваіх ці чужых праектаў
  • Вопыт вядзення перамоваў
  • Валоданне ангельскай мовай


Поделиться
Другие вакансии:
Обсуждение: