Хэдлайнерам адукацыйнай праграмы aDNaK! стане Давар Руне

Поделиться

Хэдлайнерам адукацыйнай праграмы Сёмага фестывалю беларускамоўнай рэкламы і камунікацыі aDNaK! стаў Давар Руне (Davor Runje), сузаснавальнік харвацкага digital-агенцтва DRAP, якое за час свайго існавання з 2008 году атрымала найбольшую колькасць фестывальных узнагародаў у сваёй краіне.

Davor.jpg

Тэма выступу Давара Руне — “Як інтэрактыўнасць змяніла свет?” Ён упэўнены, што digital-рэвалюцыя змяніла рэкламную індустрыю, бо так званая “лічбавасць” аказалася не проста яшчэ адным СМІ, што дадалася ў палітру медыяў. Digital утрымлівае важны кампанент, што змяніў не толькі бачанне стварэння праектаў, але і саму культуру ўзаемадзеяння. Гэты кампанент – інтэрактыўнасць, менавіта яна дазволіла вялікай колькасці спажыўцоў і супрацоўнікаў мець зваротную сувязь з вытворцамі. Атрымалі голас тыя, хто раней маўчаў. Гэта змяніла ўсё.

Давар Руне спадзяецца, што яго досвед паспяховых digital-кампаній, веды асаблівасцяў працы digital-агенцый і перспектываў ўсёй гэтай індустрыі дапамогуць беларусам весці паспяховы бізнес у сучасным свеце.

Поўны змест адукацыйнай праграмы фестывалю можна паглядзець тут.

Поделиться
Материалы по теме:
Обсуждение:
Читайте также: